موضوع: ازاى تعاكس البنات !!!!! الأربعاء يناير 19, 2011 2:24 am
ازاى تعاكس البنات !!!!! ركزوا معايا متسرحوش علشان مش هعيد تانى الكل معايا يستعد !! تخيل البنت من دول ماشية وليكن فى الجامعة وعجبتك قوي وعايز تكلمها قرب منها في صمت دامس ولازم تخليها تشوف عنيك إفضل بص ليها البنت طبعا هتتكسف وتبص الناحية التانية او مش ه...تب...ص الناحية التانية و هتنفضلك عادى برده انت هتطلع رخم و طبعا كل...نا عارفين ازاى تبقى رخم كبير اوى يالاه ماعلينا بس ركز اكتر معابا دلوقتى خش عليها بقلب جامد وقرب جنبها و قولها ياااااااااااه... هو دا... هو فيه كدا... بجد بصراحة اول مرة اشوف كدا إية العيون الجميلة دي على فكرة انتى بجد عنيكى جامدة اخر حاجة هية هتبتسبم ومش هترد وهتتقل واحلي حاجة البنات اللي بتتقل .. انت بردو هتكون ارخم وارخم ومتسبهاش قولها تعرفي بجد انى عمري ماشوفت احلي من لون عنيكى دا بجد انا بموت فى العيون....... (تقول لون عنيها طبعا حتى لو كانت عنيها سودة) ولو كانت لابسة طرحة حلوة تقولها لعلمك شكلك جميل جدا بالطرحة مش هتعبرك... بردو اطمن ... خليك أرخم وأرخم ( على طبيعتك اقصد)قولها ايه بردو مش هتعبرى و هتفضلى منفضة كدا ... علي العموم دة رقم موبايلى وتقوله هتلاقيها مطنشة قولها طبعا من حقك ما هو الملاك دا كله مش اى حد رقمه يتحط على موبايلها بس انا بقى طمعان انى اكون الحد دا .... وخليك واد جنتل وانت بتعاكس يعني مترميش نفسك عليها اوى قولها علي إسمك وإفضل ماشي جنبها مش وراها مش عايزين غباء وبصلها اوى .. هتقولك فية اية انت عايز اية قولها بس اصل اول مرة اشوف حد بالجمال دا بجد ..هتقولك ...ياخفة..وهية بتضحك... قولها تعالي نقعد في اي كافيتريا و نتكلم طيب او اى مكان انتى تختاريه .... مش ينفع كدا ... هتتراخم وتكشر وتقولك مبقعدش قولها طيب انا مبسوط اوى لانك اخيرا رديتي عليا .. هتضحك قولها علي العموم انا عايز نتعرف بس مش اكتر لانى بجد معجب بيكى اوى هتقولك لآ مش بتعرف على حد .... قولها لآ .... لازم نتكلم الحوار بينا مش يبقى كدا طيب هتلاقيها بتقول لآ وهية من جواها نفسها تكلمك قولها طيب شوفي انا بكرة هقعد فى المكان الفلاني واحب انى اشوفك موجودة ...... كدا كدا هى مش هترد برده ......امسك اي ورقة وقلم واكتب رقم تليفونك واسمك ولازم تحطة مثلا علي كتاب ليها مسكاه اى حاجة مسكاها ولو انت جرئ حطها في إيدها وإمشي علي طول وقولها ياريت اسمع صوتك بجد وبعدين . هتلاقي نفسك اما عند حرس الجامعة و بيتحقق معاك و بعد كدا طبعا ممكن يبقى فيها سجن او عند المأذون و دا الاقتراح الاكيد ساعتها... مع ان السجن اهون بكتير شفتوا بقي اخرة اللي بيعاكس البنات في الجامعة بيحصله ايه!!!!!!! يارب تتعظوا بقى و محدش يعاكس تانى لان لو وصل عند الماذون بجد ساعتها هيقول انا اللى جبت دا كله لنفسى وملحوظه صغيرة تانى للتذكير: لو حصل اى ضرب انا ماليش دعوة لىانا مش مسئول عن سوء الاستخدام فى المراحل الاولى